దేవుడు నీతో సంబాషించాలనుకుంటున్నాడు

దేవుడు నీతో సంబాషించాలనుకుంటున్నాడు, దేవుడు వాక్యమై యున్నాడని నీకు తెలుసా?ఈ విషయమును బైబిల్ మనకు చెపుతుంది .ఆదియందు వాక్యముండెను,వాక్యము దేవునియొద్ద ఉండెను,వాక్యము దేవుడై యుండెను.యోహాను 1:1

దేవుడు వాక్యమైతే ఒక విషయము అర్ధం అవుతుంది అదేమిటంటే ఆయన మాట్లాడాలని అనుకుంటున్నాడు అని.

మానవ పతనమునకు ముందుగా ఏదెను తోటలో దేవుడు అవ్వతోను ఆదాము తోనూ నడుస్తూ వారితో సంబాషించెను.ఆయన తన పిల్లలందరితో అదేవిధముగా సంబాషించవలెనని కోరుచున్నాడు. ఈ రోజు నీతో కూడా!!

దేవుడు నీతో సంబాషించాలనుకుంటున్నాడు ,ప్రతిరోజూ ప్రతి క్షణము. నీ మాటలు వినుచున్నాడు కూడా. ఆయన హృదయములో వున్న విషయములను ఆయన నీతో చెపుతాడు. ఆయన మాట వినవలెనని అనుకొనుచున్నావా ? దేవునితో ఈ విధమైన సంభాషణ కలిగి వుండాలనుకుంటున్నావా ? ని హృదయమును మాత్రము తెరువుము . నీ ఆత్మీయ చెవులను ఆయన స్వరమును వినుటకు సంసిద్దము చేసికొనుము. నీ ఆలోచనలను యేసు మీద నిలుపుము కేవలము ఆయన మాట్లాడు మాటలను వినుట సులబమైన విషయము.